Diaspora kosovare në Gjermani ka gjithmonë një lidhje të fortë me vendlindjen, dhe dërgimi i remitencave është një nga mënyrat kryesore për të mbështetur familjet dhe të afërmit në Kosovë. Mirëpo, procesi tradicional i dërgimit të parave shpesh kërkon kohë për të vizituar ndonjë nga zyrat tradicionale për dërgimin e parave në Kosovë, paraqet kosto të larta dhe është i vështirë për t’u menaxhuar në kohën e duhur.
IBAS, si institucion financiar i licencuar nga Banka Qendrore e Kosovës, tash e një kohë ka sjell një zgjidhje inovative për të lehtësuar këtë proces dhe për t’ju ofruar mundësinë të dërgoni para në çdo kohë, kudo që të ndodheni në Gjermani, pa u lodhur nga procedurat tradicionale.
Si funksionon?
Përdorimi i IBAS është jashtëzakonisht i thjeshtë. Si një anëtar i SEPA-s (Zona e Pagesave të Vetme në Euro), IBAS ju ofron mundësinë të transferoni para direkt nga llogaria juaj bankare në Gjermani në llogarinë e përfituesit në Kosovë, pa pasur nevojë të shkoni në zyra tradicionale. Kjo jo vetëm që është e përshtatshme, por për ju, si dërgues, kjo shërbim zakonisht është falas dhe paratë arrijnë në Kosovë, brenda pak sekondave, përveç ndonjë rasti kur banka juaj mund të mos jetë pjesë e SEPA inatant. Në këto raste, paratë që ju i dërgoni arrijnë në Kosovë brenda një dite pune.
Përfituesi në Kosovë
Për të marrë paratë, përfituesi duhet të ketë një llogari pagesash në IBAS, e cila është plotësisht pa pagesë për hapje dhe mirëmbajtje. Me hapjen e llogarisë në IBAS, përfituesi automatikisht merr një llogari bankare britaneze, e cila i mundëson qasjen në rrjetin SEPA. Kështu, ai paguan vetëm 3 euro, pa marrë parasysh shumën që merr nga ju. Ky proces është i thjeshtë, transparent dhe pa kosto të fshehura. Nëse pranuesi ka nevojë për ndihmë, atëherë personeli i IBAS do t’iu ndihmojë, pa pagesë.
Përfitimet për Diasporën
– Pa shpenzime për dërguesin: Si një anëtar i SEPA-s, IBAS mundëson transferimin e parave nga Gjermania në Kosovë, zakonisht pa kosto për ju si dërgues, përveç nëse politika e bankës suaj është ndryshe nga bankat tjera të Gjermanisë.
– Dërgim nga komoditeti i shtëpisë: Nuk keni më nevojë të shkoni në zyra apo agjenci; gjithçka mund ta bëni online nga llogaria juaj bankare.
– Shpejtësi dhe siguri: Transferet bëhen në mënyrë të shpejtë dhe të sigurt, duke ofruar shërbime pa vonesa e pa ngatërresa.
Përfitimet për përfituesin në Kosovë
– Llogari pa pagesë: Hapja dhe mirëmbajtja e llogarisë në IBAS janë plotësisht pa pagesë.
– Kosto të ulëta: Përfituesi paguan vetëm 3 euro për çdo transfertë, pavarësisht shumës.
– Qasje në SEPA: Përmes llogarisë së tyre IBAS, përfituesi ka qasje në rrjetin SEPA, duke i lejuar atij të marrë remitenca shpejt dhe me kosto të ulëta.
– Mund të marrë edhe kredi për pagesa apo të merr ndonjë nga pakot PLOT, INTEGRA ose PREMIUM që ju mundësojnë të kryejnë bëjnë blerje e të paguajnë më vonë (Buy Now Pay Later) pa paguar interes, për tre (3) muaj, e shumë mundësi tjera.
Me IBAS, ju mund të kujdeseni për të dashurit tuaj në Kosovë në mënyrën më të lehtë, më të lirë dhe më të sigurt. Bashkë, ne lehtësojmë mbështetjen që diaspora kosovare ofron për vendlindjen.
